De UK gofment don dey move close to passing de law wey go dey carry asylum seekers go Rwanda. British Prime Minister Rishi Sunak gofment don reject de change wey de upper house of parliament dey propose.
For de Rwanda plan, asylum seekers wey reach England southern coast in small inflatable boats go find demself in Rwanda. But no pesin gofment don carry go there as court case boku.
De lower house don vote to pafuka de 10 amendments wey de upper house dey plan. E include de one wey dey say make de law dey in tune with domestic and international law and de one wey dey say make dem leave people wey don work for British soja.
De law wey gofment dey plan go end all de lawblock and declare say Rwanda an better country. But e go remove some of Britain’s human rights law. E go den return to de upper house for Wednesday make dem vote for am. If in pass, e go become law dis week.
But dis no mean people go catch flight to Rwanda soon. E go still go court to sabi weather Rwanda na safe country. Anybody wey den wan remove to Rwanda sef fit go court.
Sunak don spend boku political capital in the Rwanda policy and im dey want make im start before de election wey dey come dis year. Na dat one go help de Conservative Party wey no do well for people mind.
De gofment wan teach people lesson by sending dem go Rwanda sake make dem no put dem life for danger by crossing de English Channel. E go even reduce de cost of putting dem for house. Gofment dey spend about 3 billion pounds a year to put dem for house.
Gofment dey plan say thousands of asylum seekers dey go Rwanda. De country sef get house for only a few hundred now.
Sunak talk on Monday say gofment dey gidigba to send people go Rwanda soon. Even person wey de talk for am say den don sabi people wey den go first carry go Rwanda.
